Husay at galing ng lokal na manlalaro sa volleyball masusubok ng mga dayuhan sa SSL National invitatiinals
ACES ATHLETIC EVENTS & SPORTS MANAGEMENT INC PRESIDENT DR IAN LAUREL
IPINALIWANAG ni Dr. Ian Laurel, presidente ng organizing Athletic Events and Sports Management, Inc. (ACES) ang itinakdang aksyon para sa sinimulang 2026 Shakey’s Super League (SSL) National Invitationals. Makaraang dumalo sa lingguhang PSA Forum sa PSC Media Room Rizal Memorial Sports Complex. Kasama sa larawan sina Ginio Panganiban, Allen Reyes maging ang dalawang coache na sina Obet Javier ng Arellano University at Watta Macalanggan ng Ateneo de Manila University.
Nakalaan ang mga dayuhang bituin na subukin ang galing ng mga lokal na manlalaro sa 2026 Shakey’s Super League (SSL) National Invitationals.
Sabi ni Dr. Ian Laurel, presidente ng organizing Athletic Events and Sports Management, Inc. (ACES), na inimbitahan nila ang mga banyagang manlalaro mula sa mga bansa gaya ng Estados Unidos, Guam, Australia, at Vietnam para mabigyan ang mga local na spikers ng pagkakataong masukat ang kanilang kakayahan laban sa mga banyagang kalaban.
Ang California-based na Perfect Set Dream Makers at Guam-based na Pacific Volleyball Academy ang mangunguna sa juniors’ division, kung saan makakalaban nila ang University of Santo Tomas, Pusong Azul, St. John’s University, Arellano University, at One La Salle, na binubuo ng varsity players mula sa De La Salle Zobel, Green Hills, at Dasmariñas.
Sa collegiate category, susubukin ng Vietnamese team na Ho Chi Minh Volleyball Club at ng Australian squad na Southern Storm Melbourne ang galing ng Enderun Colleges, UST, Letran College, at College of Saint Benilde.
Ang dibisyon ng mga juniors ay sinimulan na mula Hulyo 11 hanggang 18 sa Filoil EcoOil Centre sa San Juan, habang susunod naman ang dibisyon ng kolehiyo mula Hulyo 19 hanggang 26 sa Ninoy Aquino Stadium sa Maynila.
“Gusto naming mabigyan ang ating mga lokal na manlalaro ng magandang ideya tungkol sa kompetisyon sa ibang bansa,” sabi ni Laurel PSA Philippine Sportswriters Association Forum sa media room ng Philippine Sports Commission (PSC) ng Rizal Memorial Sports Complex.
Kasama rin sa lingguhang sesyon na iniharap ng San Miguel Corporation, PSC, Philippine Olympic Committee, MILO, at ng 24/7 sports app ng bansa na ArenaPlus, sina ACES executives na sina Ginio Panganiban at Allen Reyes pati na rin ang mga coaches na sina Obet Javier ng Arellano University at Watta Macalanggan ng Ateneo de Manila University.
Dagdag pa ni Laurel na bukod sa pagkakataong makaharap ang mga lokal na bituin, excited din ang mga bisitang manlalaro na makipagkumpetensya sa bansa sa pag-asang ma-recruit at makakuha ng athletic scholarship sa iba’t ibang unibersidad.
“Isa pang dahilan para sa mga team na ito ay alam nila kung gaano kasikat ang volleyball dito,” sabi ni Laurel, isa sa mga nanguna sa dating Philippine Superliga.
“Bibisita rin sila sa iba’t ibang campus ng unibersidad dahil ang ilan sa kanilang mga manlalaro, lalo na ang mga Filipino-American, ay interesado sa pagkuha ng college scholarships sa Pilipinas. Malamang na hahanapin ng mga college coach ang mga manlalarong ito.”
Binanggit ni Laurel ang mga kaso ng Perfect Set Dream Makers at ng Pacific Volleyball Academy.
“Mula sa roster ng California team, mga 10 ang Filipino-American habang apat ang Amerikano. Karamihan naman ng team ng Guam ay binubuo ng mga Guamanian o Filipino-Guamanian,” sabi niya.
“Sa aming mga pag-uusap sa kanilang mga manager, partikular nilang hiniling ang mga campus tour para matutunan ng mga manlalaro at ng kanilang mga magulang ang higit pa tungkol sa mga unibersidad sa Pilipinas.
Binanggit niya na nagpaplano rin sila ng ilang mga aktibidad sa turismo para matiyak na ang mga manlalarong bumibisita ay uuwi sa kani-kanilang mga bansa na may magagandang alaala ng Pilipinas.
“Dito nagiging mas makabuluhan ang aspeto ng sports tourism,” sabi ni Laurel, na inatasan si Reyes na i-tour ang mga manlalaro at ang kanilang mga pamilya sa iba’t ibang tourist spots at lugar para mamili sa Metro Manila.
“Dahil tag-init ngayon sa Estados Unidos, puwede samahan ng buong pamilya – kasama ang mga magulang at lolo’t lola – ang mga atleta, mag-enjoy sa bakasyon at tuklasin ang bansa habang nakikipagkumpetensya.”