Mas malawak na paghahanda sa ‘The Big One’
NAKAKAPANGILABOT ang tumamang magnitude 6.9 na lindol sa lalawigan ng Cebu Martes ng gabi nitong Setyembre 30.
Ito ay bunsod ng pagkawala ng buhay sa mahigit 60 katao habang nasa 500 indibidwal ang sugatan partikular sa Bogo City na sentro ng lindol.
Hindi lingid sa kaalaman ng lahat ang kinatatakutang ‘The Big One’ dahil sa sinasabing paggalaw ng West Valley Fault.
Posibleng mangyayari ito sa Kalakhang Maynila at ilang katabing lalawigan.
Sadyang pinangangambahan ito na kung aabot sa kagayang magnitude 6.9 na lindol na naganap sa Cebu ay maaari umanong aabot sa libu-libo ang bilang ng casualties.
Kaya naman patuloy ang panawagan ng Philippine Institute of Volcanology and Seismology para sa mas malawak pang paghahanda sa ‘The Big One’.
Napakalaki ng saklaw ng West Valley Fault kaya malaki ang bilang ng populasyon na apektado bukod pa ang mga danyos na tatamaan.
Lahat ay kaakibat ang kasinungalingan
SINABIHAN ni Juan si Berto na sinungaling. Mabilis ang pagtugon ni Berto sa pagsasabing walang katotohanan ang akusasyon sa kanya ni Juan.
Ang mga kakampi ni Juan ay todo suporta sa kanya na nagpapahiwatig na tama ito sa pagsabi na si Berto ay sinungaling.
Hindi naman magpapadaig ang mga kaalyado ni Berto sa pagtatanggol na ang paratang ni Juan ay walang katotohanan.
Magulo para sa parte ng mga hindi tropa ng dalawa dahil hindi alam kung sino kina Juan at Berto ang totoo.
Nagsabi si Juan na sinanguling si Berto na agad naman sumagot na iyon ay hindi totoo.
Halimbawang napatunayan na nagsasabi ng katotohanan si Juan ay nangangahulugan na si Berto ang sinungaling.
Sinungaling si Berto kasi pinaninindigan niyang hindi totoo ang sinasabi laban sa kanya ni Juan.
Pero ang katotohanan ay kaakibat nating lahat ang ugaling pagiging sinungaling.
Sa pagiging tao natin ay imposibleng wala tayong nagawang kasinungalingan sa aying buhay o habang nabubuhay.
Tulad ni Juan na maaaring ibang tao ang magsabi sa kanya na siya ay sinungaling at napatunayan naman.
Ang punto lamang ng ating pitak ay hindi dapat nagbibitiw ng pahayag laban sa kapwa na siya ay sinungaling dahil lahat nga ay kaakibat ang kasinungalingan.
Ikaw o kayo ba, masasabi bang hindi sinungaling? ‘Wag basta paparatangan at sasabihan ang kapwa na siya ay sinungaling.
