Si Almario Marlon Quiroz Bernardino Jr., kinikilalang online Arena Grandmaster, ay nakatakdang kumatawan sa Pilipinas sa ika-24 ASEAN + Age Group Chess Championships na sinimulan mula Agosto 7 hanggang 17, 2026 sa Tampines Hub sa Singapore.

Ang 49-anyos na kilalang manlalaro mula Lungsod Quezon/Lungsod Mandaluyong ay nagpahayag ng kanyang pasasalamat sa pagkakataong makasali sa tanyag na paligsahang ito ng ASEAN.

“Nais kong magpasalamat sa National Chess Federation of the Philippines (NCFP) sa pamumuno ni Chairman/President Cong. Prospero Pichay Jr.,  Bureau of Customs (BOC) Commissioner Ariel Nepomuceno, Kap. Marlon Manalo at Sir Ignatius Leong, sa pagbibigay ng suporta sa akin para sa paligsahang ito,” pahayag ni Bernardino, beteranong manunulat sa isports at tagapagsalita sa radyo.

“Inaasahan kong makakuha ng mga puntos para sa aking ELO rating,” dagdag pa ni Bernardino, na nagmula sa Binalonan, Pangasinan.

Kamakailan lamang ay nagwagi si Bernardino sa 100th Saturday Evening Casual Blitz Chess Tournament na ginanap sa Red Knight Chess Cafe, Bambini Villa, Sukhumvit, Bangkok, Thailand noong nakaraang Agosto 1, 2026. (Marlon Bernardino)