Milo Walk, Run, at Roll Arangkada sa UP Diliman
PSC COMMISSIONER WALTER FRANCIS TORRES
IPINAHAYAG ni PSC Commissioner / Olympian Walter Torres, sa lingguhang PSA Forum sa PSC Media Room ang nakatakdang magaganap na Milo Walk Run and Roll sa darating na Hulyo 26, 2026 sa UP. Diliman Quezon City. kasama nito sa magkabilang dulo (kaliwa) PWD Wheelchair Basketball Gem Tayag, PARA Pilipinas Coach Joar Calvadores at Sign Language Interpreter, Philippine Register for the Deaf.
HIGIT na sinusuportahan ng Philippine Sports Commission, para sa nangungunang energy drink na Milo, at mas lalo pang nagsusumikap upang matiyak na magiging napakalaking tagumpay ang taunang Milo Walk, Run & Roll ngayong taon.
“Ito ay isang proyekto ng PSC na nagsimula noong 2024, isang adbokasiya na sinimulan namin nang makita namin ang pangangailangan para sa mga proyekto hindi lang para sa mga elite kundi para rin sa mga atleta,” sabi ni PSC commissioner Walter Torres sa Philippine Sportswriters Association Forum sa media room ng PSC.
Sinabi ni Torres, na kumatawan sa Pilipinas sa fencing noong 1992 Barcelona Olympics, na ang event na itinakda ngayong Hulyo 26 sa malawak na campus ng UP Diliman ay para sa mga taong may kapansanan at kanilang mga pamilya at kaibigan.
“Magiging masaya at puno ng selebrasyon ang kapaligiran at isang masayang Linggo. Sa pamamagitan ng event na ito, umaasa kami na madedevelop ang respeto sa pagitan ng mga taong may kapansanan at walang kapansanan,” dagdag pa ni Torres, na natuwa na kapareho ni Milo ang adbokasiya.
Unang idinaos ang kaganapan noong 2024 na may 800 kalahok sa UP Diliman, at sinundan ito noong nakaraang taon sa Surigao na may 3,000 kalahok. Para sa taong ito, inaasahan ng mga organizer ang 5,000 na papasok at 2,000 na ang nakapagparehistro ngayon.
“Inaanyayahan din namin ang lahat ng nakaligtas sa kanser at pati na rin ang mga may kapansanan sa pagkatuto. Lahat sila ay malugod na makasali. May lugar din kayo sa sports.
May dahilan kayo para maging aktibo,” dagdag pa ni Torres sa forum na inihandog ng San Miguel Corporation, PSC, Philippine Olympic Committee, MILO, at ng 24/7 sports app ng bansa na ArenaPlus.
Kasama din sa forum sina coach Joar Cavadores at si Gem Tayag na wheelchair basketball at breast cancer survivor, kasama si Febe Sevilla, isang sign language interpreter.
Sinabi ni Cavadores na ang mga kaganapan ay may mga kategoryang 1K, 3K, 5K, at 10K.
“Napakaraming fun run sa Pilipinas pero bihira lang tayong makakita ng runs para sa mga taong may kapansanan. Papasiglahin ng event na ito ang mga kalahok at ipapakita na they belong sila. ‘Yung mga nasa wheelchair, may crutches at prosthetics. ‘Yung takot nila na lumabas, tinatanggal natin. Life-changing ito,” sabi niya.
Para sa mga unang beses, sinabi ni Torres na magkakaroon ng seminar sa Hulyo 9 “kung paano makipag-ugnayan, tumulong, at pamahalaan ang mga taong may kapansanan” habang nagaganap ang kompetisyon.
“Isa itong magandang karanasan para sa kanila. Makikita nila na kaya pala nila,” sabi ni Tayag.
Sinigurado ng mga organizer na ang ruta ay magiging maayos para sa mga may kapansanan.
“Ang ruta mismo, pinag-isipan talaga na malapad ang mga kalsada. Kaligtasan ang pangunahing alalahanin. Hindi puwede na may mga lugar na puwede silang matapilok. Ang mga water stations, mula sa 2.5 km na pagitan ginawa namin na 1.5 km. At walang cutoff time basta matapos at i-enjoy ang karera,” dagdag pa niya.