Mahalaga ang information drives
LUBHANG kailangan at mahalaga ang review sa implementasyon ng mga umiiral na ordinansa sa ilalim ng Safer Cities Initiatives.
Maganda ang inisyatibong ito kaya nararapat lamang ang masusing pag-aaral bago ang ganap na pagpapatupad.
Napakahalaga ang mga information drives para sa mga umiiral na ordinansa at community standards.
Kung sapat na ang pagrerebyu o muling pananaliksik at handa na sa paglulunsad ay kailangan ang tinatawag na warning o babala sa unang opensa.
Layunin ng Safer Cities Initiatives ang pagpapanatili ng katahimikan at katiwasayan ang mga lansangan mula sa iba’t ibang krimen.
Kaya sana sa pamamagitan ng pulong at talakayan ng Department of the Interior and Local Government, mga law enforcement agencies at mga lokal na pamahalaan ay ganap na maayos pagpapatupad nito.
Bawal na? Totoong karamdaman, madaling mapagtakpan
KAHIT mahirap ay nagiging madali ang pagtago ng tunay na karamdaman lalo at mayroong mabigat o malalim na dahilan.
May mga magulang na pilit na pinagtatakpan o ikinukubli ang kanilang sakit karamihan dito ay ang mga nanay.
Sabi nga ng mga manggagamot na kapag tumuntong at lumagpas na sa kwarenta anyos ay kailangang tutukan na ang kondisyon ng kalusugan.
Eh paano pa kung singkuwenta na ang edad at pataas na kailangang tanggapin ang katotohanan na prone o lapitin na ng kung anu-anong karamdaman.
Sa harap ng anak o mga anak at mga kaanak maging sa mga kaibigan o kakilala ay madaling nasasabi ng isang nanay na siya ay malusog pa sa kabila ng kanyang edad.
Nagpapakitang gilas tulad ng pag-iindak o pagsasayaw at iba pa bilang pagpapatunay na siya ay healthy.
Hanggang kinakaya pa ay itinatago ang totoong sakit dahil posibleng ayaw mag-alala pa sa kanya ang mga mahal sa buhay.
O kaya naman ay dahil sa salat sa pinansiyal at pwede rin pinipilit ang sarili sa pagtatrabaho para sa pamilya.
Maaaring sa ganoong edad na singkuwenta pataas ay may mga anak na ang isang magulang na kahit paano ay mayroon ng mga maaayos na trabaho.
Dapat bilang mga anak ay sila na ang magkusa para sa tinatawag na regular check-up ng kanilang magulang na pwedeng tuwing ikaanim na buwan o taunan upang nalalaman kaagad ang karamdaman.
Iba ang may pinanghahawakang resibo na magpapatotoo sa kalagayan ng kalusugan na magmumula mismo sa mga manggagamot.
Ang may sariling katawan ay magagawang magtago ng totoong karamdaman subalit ang resibo mula sa manggagamot ay hindi maikukubli.
